Mar 9 | HUI | STEP | Ibugua tihondo lamialu lalu, Henene larogo. Tí maru kamigo nahome kamiore Ngode Datagaliwabehanda Handame Ho Holene hongo howa tagira ibiragola de hondoleberami, lene.

a 9.1Md 16.28, 24.30, 24.34, Mg 13.30, Lg 9.27, 22.18

b 9.2-72 Pi 1.17-18

c 9.3Dan 7.9

d 9.7Man 18.15, Md 3.17, Mg 1.11, Lg 3.22, Ab 3.22

e 9.9Md 12.16, Mg 8.30

f 9.11Mal 4.5, Md 11.14

g 9.12Iba 22.1-18, Ais 53.3, Dan 9.26, Mal 4.5, Lg 23.11, Pb 2.7

h 9.13Md 11.14, 17.12, Lg 1.17

i 9.23Md 17.20, 21.21, Mg 11.23, Lg 17.6, Yo 11.40

j 9.24Lg 17.5

k 9.26Mg 1.26

l 9.30Yo 7.1

m 9.31Mg 8.31, 10.32-34

n 9.32Lg 9.45, 18.34

o 9.34Lg 22.24

p 9.35Md 20.26-27, 23.11, Mg 10.43-44, Lg 22.26

q 9.37Md 10.40, Lg 10.16, Yo 13.20

r 9.38Dag 11.27-29, Lg 9.49

s 9.391 Ko 12.3

t 9.40Md 12.30, Lg 11.23

u 9.41Md 10.42

v 9.43-44Md 5.30

w 9.47Md 5.29

x 9.48Ais 66.24

y 9.49Ese 43.24

z 9.50Md 5.13, Lg 14.34-35, Lm 12.18, Eb 4.29, Kl 4.6, Hi 12.14

Mark 9

1 Ibugua tihondo lamialu lalu, Henene larogo. Tí maru kamigo nahome kamiore Ngode Datagaliwabehanda Handame Ho Holene hongo howa tagira ibiragola de hondoleberami, lene. ^a

Yasu mo tara ho hearia ti de hendenego ogo

(Madiu 17.1-13, Lugu 9.28-36)

2 Horo waragaru howa Yasuhanda Pida Yamese Yone imaru tini hangu hole hari timbuni mbira weagoria haru iraga ho hene. ^b 3 Tigua handalu hearia Yasu ibuni tingini mo tara howa ibunaga aga pewele dindi bibahendeni karume aga wayawaya bo ngaligobi ndo pele de mborerebiore hene. ^c 4 Ani biyagola talima piaga tebira biarume handalu hearia Elaya Mosesela Yasu heba te lalu hearia tigua de hendene. 5 Ani bialu heagola Pidahanda Yasuhondo lalu, Lawai haga-o ina ogoria kamagoni bayaledago ina tebirali kamagome nemanda tebira beramabe. Nemanda mbira í̠naga mende Mosesenaga tebone Elayanaga lowa bia harama, lene. 6 Ti tebirali biarume gi timbuni howa Pida ibugua agi loabe toba howa bi ogonidagua lene.

7 Ani lalu heaore beraliba mbirame ti mo ge howa bi mbira beralibaha howa ladali halu lalu, I̱ Iginiore ogoni gubalini ho kogo ibugua bi larago hangu hale halimu, lene. ^d 8 Ani hale howa tigua abale de handa de̱le̱ bialu hearia agali maru nahende Yasu dege hearia hendene.

9 Ti harini dalialu howa Yasuhanda tihondo hongo howa lalu, Áyu handarimigo mbirali nalamilimu. Agali Hole Ibiyago tongolo muwa ibuni mo heya haragola dege lamilimu, lene. ^e

10 Yasuhanda ani layagola tigua hale howa maru nalami hene. Tini hangu howa, Agali tongolo minigo agua mo heya holobadabe, lowa te lalu hene. 11 Tigua ibuhondo lalu,Mana lowinigo lawai haga karume Elaya ala ibulebira lalu kago irane agidabe, lene. ^f

12 Ibugua tihondo lalu, Bibahende manda manda bule Elaya ibugua ala ibulebiraore. Anduane Homogonagambugani lo ngago ogo, Agali Hole Ibiyago ibugua tandaga timbuniore nalu maru karume ibuhondo handabe manga holebira, lalu gilibu ngago irane agibe. ^g 13 Elaya ala ibiyago langero. Ibu ibiyagola Anduane Homogonaga mbugani bi gilibu winigo ngadagua maru hearume ibuhondo tini hame leadagua bigibigi bini, lene. ^h

Yasuhanda igiri mbiraha dama daraga hearia wara tagi henego ogo

(Madiu 17.14-21, Lugu 9.37-43)

14 Yasunaga talima piaga maru biarubi wali agali dewabi ti haru ngoai ho heariaMana lowinigo lawai haga hearume ti baba lai lalu hearia Yasu Pida Yamese Yone imaru ibalu de hendene. 15 Wali agali dewa biarume Yasu hondowa mogo lalu ibu hearia gerai puwa tigua ibuhondo, Ani haribe, lene. 16 Ani layagola ibugua tihondo lalu, Tí aginaga lai lalu kamibe, lene.

17 Agali mbirame ibuhondo ladai bialu lalu, Lawai haga-o i̱ iginiha dama daraga howa bi nalagago í̠ heria haru ibiru. 18 Dama igiri ogoniha daraga howa ibu mo pila halu ne harigaha hangiau pudu haea bialu ne gingiri gengero lalu ibunaga tingini hiribula haga. Í̠naga talima piaga biaruhondo, Dama daraga kago wara tagi hadaba larugola tigua wara tagi habe naheya, lene.

19 Ani layagola Yasuhanda tihondo lalu, Wali agali tí Ngode Datagaliwabehondo mini mbiraore nawi kamiruha i̱ horo agiru haabo holiyadabe. I̱na tí heba howa horo agiru tínaga genda yu haabo holiyadabe, lene. Ani lowa, Igiri biago i̱ kogoria haru ibidaba, lene. 20 Ani layagola tigua igiri biago ibu hearia haru ibini.

Haru ibiyagola damame Yasu hondowa igiri biago mo biango bibi bia hene. Igiri biago dindini pilowa pedere pedere bialu ne harigaha howa hangiau puda tagitagi bini. 21 Ani biyagola Yasuhanda igiri biago abahondo lalu, O biragoni pigane angi howa binibe, lene.

Ibu abahanda ladai bialu lalu, Ibu igiri emeneoreni howa bini. 22 Damame igiri ogoni homelo ira dedagoriabi ibahabi mo pila haabo hagago í̠na mbira bibeheyagua nde iya dara halu biamogo berene, lene.

23 Yasuhanda ibuhondo lalu, Mbira bibeheyagua larigo mbiralime Ngode Datagaliwabehondo mini mbiraore wu kayagua bibahende biai habehe kagoni, lene. ⁱ

24 Ani layagola ibu abahanda lalu, Ngode Datagaliwabehondo mini mbiraore wia ngogo nakarulapedago mini mbiraore wuliya í̠na mo hongo halu biamogo biaha, lene. ^j

25 Wali agali dewa gerai lalu ibalu heago hondowa Yasuhanda dama talialu lalu, Hale mo tulu hagabi bi mo libilaba laga dama í̠hondo hongo howa larogo tagira pu. Igiri ogoni ibuha lone hole dai nabibe, lene.

26 Ani layagola dama biagome ga̱ lalu igiri biago homene ale ho ngelalu tagira pene. Igiri biago homene ale wiago hondowa wali agali dewame, Ibu tongolo miyada, lene. ^k 27 Ani layagola Yasuhanda igiri biagonaga gini yuwa mo heya hayagola heyini.

28 Ani bialu Yasubi ibunaga talima piaga biarubi ti andaga puwa tini hangu howa tigua ibuhondo lalu, Iname dama wara tagi habe nahe harimago irane agidabe, lene.

29 Ani layagola Yasuhanda ladai bialu lalu, Mbirale mbira beremigome ndo Ngode Datagaliwabehondo bi laramigome dama ogoni ale wara tagi holene nga, lene.

Yasu ibuni homolenenaga te halu mende lenego ogo

(Madiu 17.22-23, Lugu 9.43-45)

30 Yasu ibunaga talima piaga biaru heba dindi ogoni wahalu Galilini puabo halu hene. Ibugua ibunaga talima piaga biaru lawai halu heago wali agali hearume ti agoha kabe manda nabilo puabo halu hene. Ibugua tihondo lawai halu lalu, Agali Hole Ibiyago agalime minu mulebira. Minuwa tigua ibu homelo bolebira. Homelo baragola howa horo tebonengi ibuni mo heya holebira, lalu lamini. ^{l
,} ^m

32 Ibugua bi ani layago hale howa tigua manda nabi howa ibuhondo, Irane langi, lolene gi hene. ⁿ

Bolangua ho kago aibe, lenego ogo

(Madiu 18.1-5, Lugu 9.46-48)

33 Ti Kabaniama anda bu heagoria anda pene. Yasu anda mbira heago tamuha howa ibugua tihondo lalu, Harigani ibalu howa tíni te agi dege lama ibirimibe, lene.

34 Ani layagola ti harigani ibalu howa, Ina kamago bolangua howa duniniore ai ibu holobadabe, lama ibirimigo tigua ibuhondo ladai nabi hene. ^o 35 Ibu biruwa homberiali (12) biaruhondo, Ibidaba, lowa tihondo lalu, Mbira bolangua howa duniniore hoa biyagua nde ala ibu emene halu bibahende biamogo bulene nga, lene. ^p 36 Ani lowa ibugua igiri emene gini yamialu ti hearia haru ibuwa tinaga wanakuihayagi helowa tihondo lalu, 37 Mbiralime i̱naga minini howa igiri emene ogoni biagobihondo, I̱la habiya íbu, layagua i̱hondobi, Habiya íbu, lara. Ani buwa mbiralime i̱hondo, I̱la habiya íbu, layagua i̱, Pu, layagohondobi, I̱la habiya íbu, lara, lene. ^q

Ina baba waitigi ndo karu ina aria ka, lenego ogo

(Lugu 9.49-50)

38 Yonehanda ibuhondo lalu, Lawai haga-o agali mbirame í̠naga minini howa dama daragahe hearu wara tagi halu hearia iname hondowa, Nabi waha, larima. Irane agali ogoni ibu ina aria ndoyanenaga lamirima, lene. ^r

39 Ani layagola Yasuhanda tihondo ladai bialu lalu, Mbiralime ani biragola, Nabibe, nalalimu. Ibugua i̱naga minini howa agalime nabiagane alego biyagua nde mani i̱ mege bibe nahe holebira. ^s 40 Mbiralime ina baba waitigi ndo kago ina aria ka. ^t 41 Tíhondo henene larogo i̱naga minini kamiru hondowa mbiralime tí iba nalimulo ngiyagua ibuhondo emena mulene ngago mulebiraore, lene. ^u

Ina ko mo bia holene te lenego ogo

(Madiu 18.6-9, Lugu 17.1-2)

42 Yasuhanda lalu, Mbiralime waneigini emene ogonibi i̱hondo mini mbiraore wu kago hado wahelo ko mo bia hayagua ege to̱le̱ timbuni ngago pume ibunaga mani pongo bia howa agali ogoni to̱le̱ heba iba timbuni bedagoha bape hayagua nde karulape ogoni. 43 Í̠ninaga gi mendegome í̠ni mo pila hayagua gi ogoni gandulo wahabe. Gi mbiraore hangu howa haabobo holene ngagoria polene bayale nga. Gi kirabali howa heli dindi polene ogoni bayale ndo. ^v 45 Í̠naga ge mendegome í̠ mo pila hayagua ge ogoni gandulo wahabe. Ge mbiraore hangu howa haabobo holene ngagoria polene bayale nga. Ge kirabali howa heli dindi polene ogoni bayale ndo. 47 Í̠naga de mendegome í̠ mo pila hayagua halu wahabe. De mbiraore hangu howa Ngode Datagaliwabehanda Handame Ho Kagoria polene bayale nga. De kirabali howa heli dindi polene ogoni bayale ndo. ^w 48 Dindi ogoriani himi nahomagabi ira hundia nabiagabi nga. ^x

49 Tomo mbira lomabu delalu howa Ngode Datagaliwabe deni bayale helo ibi tomoni ibira halu delagadagua ira dedagome wali agali bibahendeni ibira holebira. ^y

50 Ibi bayale ngago ibunaga dende ereba hayagua tígua agime mo dende bia holeberamibe. ^z

Tínaga bu habaneha ibi halu wali agali heba howa mo palia holene karulo halimu, lene.